आर्या छंद
जाति जरोरुरोग, मरणातुर शोक सहस्त्रदीपिताः,
दुःसह नरक पतन, सन्त्रस्त धियः प्रतिबुद्धचेतसः
जीवितमंबु बिंदु-चपलं, तडिदभ्रसमा विभूतयः,
सकलमिदं विचिन्त्य-मुनयः,प्रशमाय-वनान्त-माश्रिताः ॥१ ॥
व्रत समिति गुप्ति, संयुताः शमसुखमाधाय मनसि वीतमोहाः ।
ध्यानाऽध्ययन-वशंगताः, विशुद्धये कर्मणां तपश्चरन्ति ॥ २ ॥
दिनकर किरणनिकर-संतप्त,शिलानिचयेषु निष्पृहाः,
मलपटलाऽवलिप्त, तनवः शिथिली कृतकर्म बंधनाः ।
व्यपगत-मदनदर्प, रतिदोष कषाय विरक्त मत्सराः,
गिरि-शिखरेषु चंड-किरणाभि,मुखस्थितयो दिगम्बराः ॥३ ॥
सज्ज्ञानाऽमृत पायिभिः,
क्षान्तिपयः सिञ्च्यमान पुण्यकायैः ।
धृत संतोषच्छत्रकैः,
तापस्तीव्रोऽपि सह्यते मुनीन्द्रैः ॥४॥
शिखिगल कज्जलालि मलिनैर्-
विबुधाधिपचाप चित्रितैः,
भीम-रवैर्-विसृष्ट चण्डाशनि,
शीतल वायु वृष्टिभिः ।
गगनतलं विलोक्य, जलदैः
स्थगितं सहसा तपोधनाः,
पुनरपि तरुतलेषु,
विषमासु निशासु विशंकमासते ॥५॥
जलधारा-शरताडिता,
न चलन्ति चरित्रतः सदा नृसिंहाः ।
संसार दुःख भीरवः,
परीषहा राति-घातिनः प्रवीराः ॥६॥
अविरतबहल तुहिनकण,
वारिभि-रंघ्रिप-पत्र पातनै-,
रनवरत-मुक्तसात्कार-रवैः,
पुरुषैरथानिलैः शोषितगात्रयष्टयः
/इह श्रमणा धृतिकंबलाऽवृताः
शिशिर निशां, तुषार विषमां,
गमयन्ति चतुः पथे स्थिताः ॥७॥
इति योगत्रय धारिणः,
सकल-तपशालिनः प्रवृद्धपुण्यकायाः ।
परमानंद सुखैषिणः,
समाधि-मग्रयं दिशंतु नो भदंताः ॥८ ॥
योगीश्वरान् जिनान्-सर्वान्,
योगिनिर्भूत कल्मषान्।
योगैस्-त्रिभि रहं वंदे,
योगस्कंध प्रतिष्ठितान् ॥९॥
क्षेपक श्लोकानि
प्रावट्-काले सविद्युत्-प्र-पतित,
सलिले वृक्ष-मूलाधिवासाः,
हेमन्ते रात्रि-मध्ये प्रति-विगत-भयाः
काष्ठ-वत्-व्यक्त देहाः।
ग्रीष्मे सूर्यांशु-तप्ता-गिरि-शिखर-गताः
स्थान-कूटांतर-स्थास्-
ते मे धर्मं प्रदद्युर्-मुनि,
गण-वृषभा मोक्ष-निःश्रेणि-भूताः ॥१॥
गिम्हे गिरि-सिहरत्था,
वरिसा-याले रुक्ख-मूल-रयणीसु ।
सिसिरे वाहिर-सयणा,
ते साहू वंदिमो णिच्चं ॥२॥
गिरि-कन्दर-दुर्गेषु, ये वसन्ति दिगम्बराः ।
पाणि-पात्र-पुटाहारास्-ते यांति परमां गतिम् ॥३॥
अञ्चलिका
इच्छामि भन्ते ! योगि-भक्ति काउस्सग्गो कओ, साउलोचेउं अड्ढाइज्ज-दीव-दो समुद्देस्, पण्णारस-काम-भूमिसु, आदावण- रुक्ख-मूलअब्भोवास ठाणमोण-जोगजुत्ताणं, सव्वसाहूणं णिच्चकालं, अच्चेमि, पूजेमि, वंदामि मीरासणेक्क पास कुक्कुडासण चउ-छ-पक्खखवणादि पार्मसामि, दुक्खक्खओ, कम्मक्खओ, बोहिलाओ, सुगइगमणं, समाहिमरणं, जिणगुणसंपत्ति होउ मज्झं।